മുനകള് തേഞ്ഞുതീരുമ്പോഴും
കോറിയിട്ട വരകള്ക്ക്
മാറ്റുകൂട്ടാനവള് കിണഞ്ഞു ശ്രമിച്ചിരുന്നു
പിന്നെയും പിന്നെയും വരച്ച്,
അവളുടെ ഒടിയുന്ന മുനകളെ
വഴിയരികിലുപേക്ഷിച്ച്
തിരിഞ്ഞുനോക്കാതെ അവള്
തന്റെ ചിത്രങ്ങള്ക്ക്
മാറ്റുകൂട്ടിക്കൊണ്ടിരുന്നു
അവസാനം;
തേഞ്ഞുതീര്ന്ന അവളെ പിന്നിലാക്കി
അവളുടെ ചിത്രങ്ങള്
മുന്നേറി....
അപ്പോഴും പിന്നില്നിന്നവള്,
ഒടിഞ്ഞ മുനകള് തപ്പിപ്പിടിച്ച്,
ചിത്രങ്ങള്ക്ക്
മാറ്റുകൂട്ടിക്കൊണ്ടിരുന്നു.....
