ഇപ്പൊ പാല്‍ക്കപ്പ എന്നൊരു പുതിയ ഐറ്റം ഉണ്ട്‌ട്ടോ ടീച്ചറേ
എന്താ ഒരു ടേസ്റ്റ്.......
ഞാന്‍ ഇന്നലെ ഉണ്ടാക്കി.... വനിതാ ഓണ്‍ലൈന്‍ ക്ലാസ്സിലെ ഒരു സഹോദരി പറഞ്ഞപ്പോ ഓരോരുത്തരും അതിന്റെ മദ്ഹ് പറയാന്‍ തുടങ്ങി.
ന്താപ്പൊ ഇത്ര ടേസ്റ്റുള്ള ഒരു പാല്‍ കപ്പ..... ഞാനും ചോദിച്ചു.... ന്നാ പിന്നെ എങ്ങനാ അതുണ്ടാക്കുന്നെ?
അതോ ....അത് പിന്നെ തേങ്ങാപാലിലാ ഉണ്ടാക്കുന്നെ...... ഈ പച്ചമുളകും ചുവന്നുള്ളിയുമൊക്കെ ഇട്ടിട്ട്.......
പടച്ചോനെ ഇത് കേട്ടപ്പോള്‍ എനിക്ക് ചിരിക്കാനാ തോന്നിയത്. കാരണം, എത്ര പണ്ട് പണ്ടേ ഉള്ളോരു ഐറ്റമാണിത്. എന്റുമ്മേം അമ്മായിയുമൊക്കെ കപ്പ, കാച്ചില്‍, ചേന, മത്തന്‍, മധുരക്കപ്പ ഒക്കെ മധുരം ചേര്‍ത്തും എരിവു ചേര്‍ത്തും ഉണ്ടാക്കാറുണ്ട്. ഞാന്‍ പറഞ്ഞു തരാം.

ഒരു കിലോ കപ്പ ഉപ്പിട്ട് പുഴുങ്ങി ഉടച്ചെടുത്ത് അതിലേക്ക് ഒരു പിടി ഉള്ളിയും നാല് പച്ചമുളകും കൂടി ചതച്ചതും ചേര്‍ത്തിളക്കി ഒരു കപ്പ് കട്ടി ത്തേങ്ങാപ്പാലും ചേര്‍ത്ത് ചെറുതായൊന്ന് ചൂടാക്കി ഇളക്കി, ഇറക്കിവെച്ചതിനു ശേഷം കടുകും വറ്റല്‍മുളകും വേപ്പിലയും നല്ല വെളിച്ചെണ്ണയില്‍ താളിച്ചൊഴിച്ച് ചൂടോടെ വിളമ്പിയാല്‍ ബഹു രസമാണ്.

കാച്ചില്‍, ചേന, മത്തന്‍, മധുരക്കപ്പ ഇവയും ഇതുപോലെ തന്നെ ഉണ്ടാക്കി എടുക്കാം
കാച്ചില്‍ തൊലി ചെത്തി ചെറിയ കഷണങ്ങളാക്കി ഉപ്പിട്ട് പുഴുങ്ങി എടുത്തതിനു ശേഷം പാകത്തിന് തേങ്ങാപാലും മധുരവും ചേര്‍ത്ത് കഴിച്ചാല്‍ പറഞ്ഞറിയിക്കാന്‍ വയ്യാത്ത രുചിയായിരിക്കും.

ഇതുപോലെ വല്ലാതെ മൂക്കാത്ത മത്തനും ചേനയും പിന്നെ മധുരക്കപ്പയുമൊക്കെ തേങ്ങാപ്പാലും മധുരവും ചേര്‍ത്തും ഉണ്ടാക്കാം.
ഇനി എരിവ് ഇഷ്ടമുള്ളവര്‍ക്ക് ചുവന്നുള്ളീം പച്ചമുളകും ചേര്‍ത്തും ഉണ്ടാക്കാം.