സൗന്ദര്യമുള്ള കൈ
ഇന്ദു നാരായൺ
2014 ആഗസ്റ്റ്‌
ദിവസവും രാവിലെയും വൈകീട്ടും കൈപ്പത്തി മുതല്‍ തോള്‍ വരെ ചെറിയ മര്‍ദ്ദം ഉപയോഗിച്ച് തിരുമ്മുക. കൈമുട്ടിലെ രക്തചംക്രമണം ത്വരിതപ്പെടുത്താനും കൈമുട്ടിലെ കറുത്ത പാടുകള്‍ നീക്കാനുമിത് സഹായിക്കും.
- ദിവസവും രാവിലെയും വൈകീട്ടും കൈപ്പത്തി മുതല്‍ തോള്‍ വരെ ചെറിയ മര്‍ദ്ദം ഉപയോഗിച്ച് തിരുമ്മുക. കൈമുട്ടിലെ രക്തചംക്രമണം ത്വരിതപ്പെടുത്താനും കൈമുട്ടിലെ കറുത്ത പാടുകള്‍ നീക്കാനുമിത് സഹായിക്കും.
- ഇടതു കൈ മേശമേല്‍ കമിഴ്ത്തി വെച്ച് വലത് കൈകൊണ്ട് വട്ടത്തില്‍ തിരുമ്മുക. കൈപ്പത്തി മുതല്‍ തോള്‍ വരെ ഇപ്രകാരം അമര്‍ത്തി തിരുമ്മുക.
- ഇതുപോലെ വലതുകൈയും തിരുമ്മുക.
- കൈപ്പത്തി മാത്രം വട്ടത്തില്‍ കറക്കുക. കൈപ്പത്തിയിലേക്കുള്ള രക്തയോട്ടം വര്‍ധിപ്പിക്കാനും എല്ലിന്റെ ആരോഗ്യം മെച്ചപ്പെടുത്താനും ഇത് സഹായിക്കും.
- ഒരു നാരങ്ങ കൈവെള്ളക്കുള്ളിലാക്കി മുപ്പതു പ്രാവശ്യമെങ്കിലും ഞെക്കുക. വിരലുകളുടെ ആരോഗ്യവും ചാരുതയും വര്‍ധിക്കും.
- ഡിറ്റര്‍ജന്റുകള്‍ ഉപയോഗിക്കുമ്പോഴും തോട്ടപ്പണി ചെയ്യുമ്പോഴും കൈയുറകള്‍ ധരിക്കുക. കൈകളുടെ സൗന്ദര്യം നഷ്ടപ്പെടാതെ സൂക്ഷിക്കാം.
- ഡിറ്റര്‍ജന്റുകള്‍ ഉപയോഗിച്ച ശേഷം അല്‍പം
- പോലും കൈയില്‍ അവശേഷിക്കാതിരിക്കാന്‍ ഹാന്റ് ക്രീം പുരട്ടിയാല്‍ മതി.
മഴക്കാലവും നിങ്ങളും
- മഴക്കാലത്ത് ഇളം നിറത്തിലുള്ള വസ്ത്രങ്ങള്‍ ധരിക്കാതിരിക്കുക. റോഡിലുള്ള ചെളിയും മറ്റും തെറിച്ച് വസ്ത്രം പെട്ടെന്ന് കേടാകും.
- പോളിസ്റ്റര്‍, നൈലോണ്‍, ജോര്‍ജറ്റ് തുടങ്ങിയ വേനല്‍ക്കാലത്തിന് യോജിക്കാത്ത വസ്ത്രങ്ങള്‍ മഴക്കാലത്തേക്കു വേണ്ടി മാറ്റിവെക്കുക. ഇവ ധരിച്ചാല്‍ തണുപ്പില്‍ നിന്നും മുക്തിനേടാം.
- താരന്‍ പ്രശ്‌നം മഴക്കാലത്ത് കൂടുതലായി അനുഭവപ്പെടാറുണ്ട്. അതിനാല്‍ നനഞ്ഞ മുടി കെട്ടിവെക്കാതിരിക്കാന്‍ ശ്രദ്ധിക്കുക. സ്‌കൂളിലും ഓഫീസിലും പോകുന്നതിനും വളരെ മുമ്പായി കുളിച്ച് മുടി ഉണങ്ങിയ ശേഷം മാത്രം കെട്ടിവെക്കുക.
- മഴക്കാലത്ത് വീടിനുള്ളിലും കുളിമുറിയിലും ഈര്‍പ്പം തങ്ങിനില്‍ക്കാന്‍ അനുവദിക്കരുത്. ഇഴജന്തുക്കളുടെ പ്രശ്‌നം ഉണ്ടാകാതിരിക്കാനാണിത്.
- ചര്‍ദ്ദി, അതിസാരം, പനി തുടങ്ങിയ രോഗങ്ങള്‍ മഴക്കാലത്ത് സാധാരണയാണ്. അതിനാല്‍ ഭക്ഷണപദാര്‍ഥങ്ങള്‍ അടച്ചുവെക്കുകയും ആറിയ ആഹാര സാധനങ്ങള്‍ ചൂടാക്കി മാത്രം കഴിക്കുകയും ചെയ്യുക.
- ഐസ്‌ക്രീം പോലുള്ള തണുത്ത വിഭവങ്ങള്‍ കഴിവതും ഒഴിവാക്കുക. പകരം ചൂട് സൂപ്പും മറ്റും കുടിക്കുക. മറ്റ് ആഹാര പദാര്‍ഥങ്ങളും ചൂടുള്ളതായിരിക്കാന്‍ ശ്രദ്ധിക്കുക.
