വിശന്ന പശുവിന്
പുല്ലരിയുന്നു
മുറിഞ്ഞ നാവ്
മുടിയഴിച്ചിട്ട നിലവിളികളെ
കത്തിച്ചുകളയുന്നു
ഇരുട്ടിന്റെ കൈകള്
അതിനുള്ളില് ഒരമ്മയുടെ
കണ്ണുകള് കടലാകുന്നു
ആങ്ങളയുടെ നെഞ്ചില്
അഗ്നിപര്വതങ്ങള് ഉയരുന്നു.
തെരുവുകള് തീ തിന്ന്
വാലാട്ടി നില്ക്കുന്നു.
ആ രാത്രി ഭൂമി പിളര്ന്ന്
കുടിലുകളില് നക്ഷത്രങ്ങള്
ഇറങ്ങിവരുന്നു.
തലയോട്ടികളും അസ്ഥികളും
കൊടുങ്കാറ്റുകള് തുറന്നുവിടുന്നു
മണിമന്ദിരങ്ങള്ക്ക് നേരെ
ആയിരം പൊള്ളലേറ്റ കാലുകളില്
പകല് വിയര്ത്തു നില്ക്കുന്നു
ഉറങ്ങാത്ത മണ്ചിരാതില്
ഇപ്പോഴും നിസ്സഹായയായി നിലാവ്
ഭയത്തിന്റെ നോട്ടങ്ങളെ കഴുകിക്കളയുന്നു