വണ്ടി മുന്നോട്ട് പായുക തന്നെ
കുതിച്ചും, കിതച്ചും
കരഞ്ഞും, ചിരിച്ചും
ചീറിപ്പായുന്നു.
ഇടക്കിടെ നിര്ത്തുന്നു -
ഇറങ്ങാനാളുണ്ട്,
ഒറ്റക്കും കൂട്ടായും.
സന്തോഷ വാര്ത്തയായ്
കയറുന്നുണ്ടതിഥികള്
കളി ചിരിയാല് യാത്രയില്
കരുവാകും നേരുകള്.
വേഗം കുറയുമ്പോള്
പടരുന്നുണ്ടസ്വസ്ഥത.
വേഗം കൂടുമ്പോള്
തിരയുന്നുണ്ട് സ്വസ്ഥത.
മുന്നിലും പിന്നിലും
ഇടത്തും വലത്തുമിരുന്നവര്
പലരുമിറങ്ങിപ്പോയ്.
വണ്ടി പൊയ്ക്കൊണ്ടിരിക്കിലും
എന്നുമിതിലുണ്ടായിരിക്കുമെ-
ന്നുള്ളാല് കൊതിച്ചിരിക്കുന്നു
ഞാനും.
മുമ്പിറങ്ങിപ്പോയവരെല്ലാം
കരുതിയതിങ്ങനെ
തന്നെയെന്നറിഞ്ഞിട്ടും.
അതിലപ്പുറം ചിന്തിക്കാന്
ആവുന്നില്ലെനിക്ക്
എപ്പോഴാണ് ആ ഒറ്റ ബെല്ലെന്ന
ചിന്തയാണെനിക്ക്...