മധ്യപൂര്വദേശങ്ങളിലൂടെയുള്ള ഒരു യാത്ര' എന്ന് പേരിട്ട ഈ പുസ്തകത്തില് ജോര്ദാന്, ഫലസ്തീന്, ഈജിപ്ത്, ഇസ്രാഈല് എന്നിവിടങ്ങളിലൂടെയുള്ള യാത്രാനുഭവങ്ങള് വളരെ ഹൃദയഹാരിയായ രീതിയില് വിവരിക്കുന്നു. യാത്രാ വിവരണം എന്നതിലുപരി ഇതൊരു ചരിത്ര വിവരണ ഗ്രന്ഥം കൂടിയാണ്. മുപ്പത്തിഒന്ന് അധ്യായങ്ങളാല് സമ്പന്നമായ ഈ ഗ്രന്ഥം വായനക്കാരെ വിശുദ്ധ മണ്ണിലേക്ക് കൊണ്ടുപോകുന്നു.
മസ്ജിദ് അല് അഖ്സാ, പഴയ ഹെബ്രോണ് നഗരം, കെയ്റോ മ്യൂസിയത്തിലെ മമ്മികള്, മറ്റെവിടെയും കാണാനാകാത്ത അതി സുന്ദരമായ ആമി നഗരം, ലോകത്തിലെ ഏറ്റവും പഴയ നഗരം എന്ന് പേരുകേട്ട ജെറിക്കോ, ചാവുകടല്, എത്യോപ്യന് പിരമിഡുകള് തുടങ്ങി ഓരോ സ്ഥലത്തിന്റെ ചരിത്രവും സുന്ദരമായ വിവരണവുമാണ് ഈ പുസ്തകത്തിന്റെ സമ്പത്ത്. വായനക്കാര്ക്ക് യാത്രയുടെ ഓരോ കാഴ്ചയും മനസ്സിലേക്കെത്തുന്നതുപോലെ അനുഭവപ്പെടും. ഓരോ പേജും നമ്മെ അനുഭവങ്ങളുടെ ഗൂഢാലയത്തിലേക്ക് എത്തിക്കുന്നു. സാഹിത്യപ്രേമികള്ക്കും ചരിത്രപ്രേമികള്ക്കും ഒരുപോലെ പ്രയോജനപ്പെടുന്ന ഈ ഗ്രന്ഥം മധ്യപൂര്വ ദേശങ്ങളുടെ മഹത്വം ബോധ്യപ്പെടുത്തുന്നതിന് സഹായകമാകും എന്നതില് സംശയമില്ല.