ടൈം ടേബിള്‍

പി പി റഫീന

കവിത

പിരിയഡ് 1 : ഇംഗ്ലീഷ് 

           വസന്തം നെയ്തെടുക്കുന്ന 

           കവിതയിലെ ചിലന്തി.

           സാഹിത്യം വമിക്കുന്ന 

           ബ്രിട്ടീഷ് പീരങ്കികള്‍ 

 

പിരിയഡ് 2 : മലയാളം 

            നിലയില്ലാത്തൊഴുകുന്ന

            നിളാനദിയുടെ പരിസമാപ്തി.

            ബഷീറിന്റെ പ്രേമലേഖന-

            ങ്ങളുടെ കൂമ്പാരവും 

            സുഹറയുടെ തേഞ്ഞു 

            വികൃതമായ നഖങ്ങളും.

 

ഇന്റര്‍വെല്‍ :

           ഒരു ചെറു നിശ്വാസം 

           പോകേണ്ടിടത് പോകാം 

           വല്ലതും കൊറിക്കാം.

 

പിരിയഡ് 3 : കണക്ക് 

           മുനയൊടിഞ്ഞുപോയ 

           കോമ്പസ്സിന്റെ ഓര്‍മ്മകള്‍.

           ജിയോമെട്രി ബോക്‌സില്‍ 

           ഡിവൈഡറിന്റെ കുത്തി-

           യിരിപ്പു സമരം.

 

പിരിയഡ് 4 : ശാസ്ത്രം 

           പെട്ടെന്ന് കറുത്തിരുളുന്ന 

           കാര്‍മേഘചുരുളുകള്‍.

           മഴമാപിനിയില്‍ 

           അളന്നു തിട്ടപ്പെടുത്തിയ  

           മഴവെള്ളത്തിന്റെ 

           കൂട്ടക്കരച്ചില്‍.

 

ലഞ്ച് ബ്രേക്ക്:

           ഒരു ദീര്‍ഘ നിശ്വാസം.

           പാത്രങ്ങള്‍ കഴുകി 

           പഠിക്കാനുള്ള പിരിയഡ്.

           താളം കെട്ടി നില്‍ക്കുന്ന 

           വെള്ളത്തിലെ 

           കൊതുകു വളര്‍ത്തല്‍.

 

പിരിയഡ് 5 : സാമൂഹ്യ ശാസ്ത്രം 

           ഭൂപടത്തിലേക് ഒഴുക്കിവിട്ട 

           മഹാസമുദ്രങ്ങള്‍.

           എത്ര പറഞ്ഞാലും 

           തീരാത്ത , ഉണങ്ങിയ 

           ചരിത്രമുറങ്ങുന്ന 

           മഞ്ഞക്കടലാസ്.

 

പിരിയഡ് 6 : ഐ ടി 

           വിരല്‍ത്തുമ്പിലെ 

           വിസ്മയലോകം.

           സര്‍വ്വവിജ്ഞാനങ്ങളുടെയും 

           അക്ഷയപാത്രം .

           ആത്മഹത്യ ചെയ്യാനുള്ള 

           ഏറ്റവും വലിയ മുനമ്പ

 

ഇന്റര്‍വെല്‍ :

           ഒരു ചെറു നിശ്വാസം കൂടി 

           പരസ്യങ്ങളില്ലാത്ത 

           ഇടവേള.

 

പിരിയഡ് 7 : ഹിന്ദി 

           നിര്‍ത്തിയിട്ട 

           ബോഗികള്‍ പോലെ 

           അനക്കമില്ലാത്തയക്ഷരങ്ങള്‍.

           ഇടക്ക് ഇലക്ട്രിക്ക് കമ്പി-

           യിലേക്കെന്ന പോലെ 

           മുകളിലേക്ക് പോകുന്ന 

           *മാത്രകള്‍.

 

പിരിയഡ് 8 : അറബിക് 

           ആളില്ലാതെ തുഴയുന്ന 

           നക്ഷത്രക്കമ്മലിട്ട 

           ചെറു വള്ളങ്ങള്‍.

           ഫ്‌ലാഗ് ഓഫ് ചെയ്ത 

           *അലിഫുകള്‍ 

*മാത്രകള്‍ - ചിഹ്നം 

*അലിഫുകള്‍ - ഒരു അറബി അക്ഷരം

TAGS :

Manager

Silver hills, Calicut-12
Phone: 0495 2730073
managerprabodhanamclt@gmail.com


Circulation

Phone: 0495 27314863
aramamvellimadukunnu@gmail.com

Editorial

Hira Centre, Mavoor Road, Calicut-4
Phone: 0495 2770311
aramammonthly@gmail.com


Advertisement

Phone: +91 9947532190
advtaramam@gmail.com

Editor

K.K Fathima Suhara



Sub Editors

Fousiya Shams
Fathima Bishara

Subscription

  • For 2 Year : 280
  • For 1 Year : 140
  • For 1 Copy : 12
© Copyright Aramam monthly , All Rights Reserved Powered by:
Top